Ordainduk kale-agerraldia egingo du, "arazoa hemen dagoela inor ahaztu ez dadin"

Ordaindu elkarteak kale-agerraldia deitu du hilaren 12rako. Ohi bezala, Arrasateko Biteri plazatik abiatuko dira, 18:30ean. "Gure arazoa oraindik hemen dagoela inor ahaztu ez dadin" deitu dute kale-agerraldia.

Deialdian elkarteak esaten duenez, Fagor Etxetresnen “eraisketa neurtua” Mondragon Korporazioaren pean “programatu” zen eta Fagor Taldeak eta Fagorren zuzendaritzak “babestua” izan zen. Zuzendaritza horretako kide batzuk “gaur egun CATAn” daudela dio Ordainduk.

Honako hau gaineratzen du: “Orain diote [Mondragon Korporazioa] beste zerbait dela eta ez dutela erantzukizunik. Lekuko soilak ziren. Lanik gabe geratu zirenen laneratzearekin inplikatzen dira. Zergatik, Fagor eta [Korporazioa] gauza desberdinak badira eta ez badago ardurarik edo mendekotasunik?”

Elkarteak lanpostuetarako soluzioak “exijitzen” ditu, baina “zehatzago esateko, aurrezkiak bueltatzea exijitzen” dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.