Borrokan, Anari eta Moonshine Wagon azaroko Kooltur ekintzan

Anari

Hilabete berriarekin batera, Kooltur ostegunen egitarau berria estreinatuko dute, beti bezala. Eguenero, 22:00an hasita, kultura ekimen bat izango da Arrasateko Gaztetxean, bost euroren truke.

Berako Borrokan boskoteak irekiko du azaroko kontzertuen zikloa. 90. hamarkadaren erdialdean sortu zen taldea, eta post-rocka eta musika esperimentala jorratzen ditu.

Hilaren 19an, berriz, Anari etorriko da Arrasateko Gaztetxera. Azkoitiko musikariak berriki kaleratu du Zure aurrekari penalak izeneko disko berria, haren bosgarrena.

Hileko azken eguenean, berriz, Moonshine Wagon gasteiztarrak izango dira taula gainean. Duela bi urte sortutako taldea Folk You! izeneko lan berria aurkezten dihardu.

12koa finkatzeke

Azaroaren 12rako Mike Noga australiar bakarlaria etorri behar bazen ere, azkenean bira bertan behera utzi behar izan du, eta haien ordezko bila dabiltza orain Kooltur-etik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.