Erreka lur azpitik ezagutzeko eta garbitzeko gonbita astebururako

Iaz erreka garbitzen aritu ostean Kondekuan ateratako talde argazkia.

Udaleko Ingurumen Sailak antolatutako Errekaren Astearen barruan ekintza interesgarriak izango dira asteburuan. Zapatuan Aramaio erreka arroan lur azpitik ibilbidea egingo dute Muzibarreko eta Maalako biribilgunearen arteko zatian, pasarela batetik; Muzibarren elkartuko dira 10:00etan. Eta domekan, berriz, erreka garbiketa egingo dute Laubide plazatik abiatuta (09:30)

Zapatuko lur azpiko ibilaldian Nerea Lazpiurrek eta Itsaso Markaidek erreka estaltzearen ondorioen berri emango dute, eta aurreratu dutenez mito batzuk uxatzeko –tunelean hainbat arratoi daudela dioena, kasu– aukera ere izango dute bertaratzen direnek. Maalako biribilgunetik irtetean, Olaia Martin adituak espezie inbaditzaileen problematika zertan datzan azalduko du. Ondoren hamaiketakoa egingo dute. Katiuskak edo botak eta linterna bat eramatea gomendatu dute antolatzaileek. 

Lehiaketarako azken orduak 

Domekan, berriz, erreka auzolanean garbitzeko deia egin dute Ingurumen Sailetik. 09:30ean elkartuko dira Laubide plazan eta erreka garbitu ostean hamaiketakoa egingo dute. Bestalde, Arrasateko errekak izeneko argazki lehiaketara erretratuak aurkezteko azken eguna bihar izango da, urriak 31. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.