'Gau-Eguna' ikuskizuna eskainiko du Txatxilipurdik gaur, Monterronen

Iaz Herriko Plazan egindako ikuskizunean jende asko batu zen.

Gau-Eguna bataiatu duten ikuskizunaz gozatzeko aukera izango da gaur, egubakoitza, Monterron parkean (18:30): "Ikuskizunak ipuin kontakizuna, antzezlana eta itzalak izango ditu oinarri", aurreratu dute antolatzaileek. Aurretik eskulan tailerrak egingo dituzte Kondekua zelaian, 17:30etik 18:15era.  

"Udazkenarekin bat, egunak laburrago bihurtzen dira eta gauak luzatzen hasten dira. Ordua aldatzeko garaia ere iristen zaigu. Gauak luzatzen doazen heinean eguzkiaren presentzia geroz eta txikiagoa izaten da eta iretargiaren beharra geroz eta gehiago sentitzen dugu. Iretargiarekin elkartzeko eta hari ongi etorria emateko sasoia iritsi da". Testuinguru berezi horretan oinarrituta antolatu du Txatxilipurdik Gau-Eguna ikuskizuna; ikuskizuna hasi aurretik eskulan tailerrak egingo dituzte Kondekua zelaian, 17:30etik 18:15era. 

Iazkoa, oso arrakastatsua 

Iaz ere, sasoi berean, antolatu zuten Gau-Eguna ekintza. Herriko Plaza izan zuen epizentro eta alde zaharreko zenbait kale ere hartu zituen ekimenak. Tailerrak, askotariko akrobaziak eta ipuin kontaketa ibiltariak izan ziren protagonista iaz, giro magiko baten; haur zein gaztetxo ugari elkartu ziren. Aurten magiak Monterron hartuko du. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.