Zauritutako Arrasateko udaltzainen auzia dela-eta, berriro gerta ez dadin neurriak hartzeko eskatu dio LABek Udalari

Jet Set diskotekaren ataria. Argazkia: Google.

Arrasateko Udaleko LAB sindikatuak ohar bidez babesa erakutsi die urriaren 11ko goizaldean Azeri kaleko Jet Set diskotekan zauritutako hiru udaltzainei, eta Udalari eskatu diote hartu beharreko neurriak har ditzala horrelakorik berriro gerta ez dadin. Gainera, udaltzainburuak lankideekiko erakutsitako "babes falta eta urruntasuna" ere salatu du sindikatuak: "Egoera larri honen aurrean, non gure hiru lankide ospitaleko urgentziatan artatuak izan ziren, udaltzainburuak lankideekiko erakutsitako babes falta eta urruntasuna izan dugu aipatu gabe utzi". 

Era berean, udaltzainak laguntza behar zuen pertsona bat artatzera joan zirela ohartarazi du LABek: "Gure lankideak ez ziren lekura joan bertaratzeko dei bat jaso zutelako, ohiko erronda egiten ari ziren lekuan bertan laguntza behar zuen pertsona batekin topo egin zutelako baizik. Zer pentsatuko genuke laguntza eskaera baten aurrean udaltzainek entzungor egin izan balute?"

Adierazpena osoko bilkuran

Urriaren 13ko osoko bilkuran Maria Ubarretxena alkateak adierazpen bat irakurri zuen zauritutako udaltzainei babesa adierazten eta domeka goizalde hartan gertatutako erasoa salatzen.  

Erlazionatuak

Lau lagun atxilotu dituzte Arrasaten udaltzainei eta ertzainei eraso egin ostean

Arrasate

Ertzaintzak emandako informazioaren arabera, goizaldeko 06:25 inguruan Udaltzaingoaren laguntza eskaera jaso dute, San Andres auzoko diskoteka bate...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.