Mondratek babesle berria dauka denboraldi berrirako

Arrasateko Per Tutti pizzeriak Mondrate areto futbol taldea babestuko du aurrerantzean. Futbol taldea babesle bila ari zen, orain arteko gastuak jokalariek euren poltsikotik ordaintzen zituztelako. Senior eta junior mailetako taldeen ekipazioak ordaindu ditu pizzeriak eta bi aldeek espero dute egubakoitzean aurkeztu zuten akordioa urte askotarako izatea. Zapatuan 3-5 galdu zuen senior mailako taldeak, Pescados Ferreres Anaiak taldearen aurka; 13 talde dituen Gipuzkoako txapelketan zortzigarren postuan dago talde arrasatearra, lau punturekin.