Arrasateko Udalak jakitera eman duenez, honako kale hauetan etengo dute ura 09:00etatik 12:30era: Anboto, Udalpe, Uriburu, Uribarri, Erguin eta Izarra dorrea. Kale horietako atarietan Ur Zerbitzuak oharrak jarri ditu honezkero, soilik ur etena izango dutenetan. Ur etena eragingo dute Udala plazan egin beharreko lanek, Arrasate pasealekuaren obren barruan.
Gainera, ur etenik ez badago ere, Bizkaia etorbideko biribilgunetik hasita udalerriko mendebalderantz dauden etxeetan, Gesalibarreraino, hainbat eragozpen izan daitezke. Hala nola, presio gabezia edo ur ugerrak. Egin beharreko lanek eragingo diote ur sare orokorrari, lanok Udala plazan egingo dira eta bertan ur hargune berri bat jarriko dute. Arazorik izan ezean, iragarritako hiru ordu eta erdi pasatu baino lehen ekarriko da bere onera ur hornidura. Baina, ezustekoak beti gertatu daitezkeela eta, badaezpada, ur etena programatu da hiru ordu eta erdirako.