Enpresarean Foroaren hirugarren saioa, gosari-solasaldia antolatu du Bai Euskarari Ziurtagiriaren Elkarteak eguenerako, hilak 22. Joseba Barandiaran ekonomialaria da aurtengo gonbidatu berezia. Izenematea zabalik dago.
Arrasateko Garaia Berrikuntza Gunean izango da Enpresarean Foroa, 09:00etan hasita eta 11:00ak arte. Krisiaz, ekonomia hazkundeaz, kapitalismoaz eta euskaraz berriketan egiteko aukera izango da Joseba Barandiaranekin.
Izenematea doakoa da, baina leku-kopuru mugatua dago. Interesatuok Enpresarean-en webgunera jo behar dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.