Felix Zubiak irabazi du Arrasaten jokatu den Gipuzkoako Bertsolari Txapelketako bosgarren eta azkenaurreko final zortzirena. Gaur lortu duen lehen postuari esker, zarauztarra zuzenean sailkatu da azaroaren 1ean Ormaitzegin jokatuko den final laurdenetako saiorako. Biharko Andoaingo azken final zortzirenarekin jakingo da Arrasateko saioko beste inork egiten duen aurrera, orduan jakingo da-eta, puntuazioaren arabera, final laurdenetarako ze bertsolari sailkatuko diren. Hona hemen gaurko puntuazioak.
- Felix Zubia: 431
- Eneritz Artetxe: 421,5
- Iñaki Gurrutxaga: 417,5
- Haritz Casabal: 412
- Egoitz Eizagirre: 382,5
- Aratz Igartzabal: 373
