Euskadiko Ligako lehen bi jardunaldiak irabazi ditu Ford Mugarrik. Aurtengoa aldaketaren urtea ari da izaten lehen taldearendako baina oraingoz ondo ari dira egokitzen. Deustuko Unibertsitatea baino gehiago izan dira Patxi Garciaren mutilak; hori bai, lehen jardunaldian gertatu moduan, azken txanpan nahi baino gehiago gerturatu dira bizkaitarrak: "Partidu osoan zehar mantendu behar dugu tentsioa, bestela asko sufritu behar dugu", adierazi du taldeko kapitain Josu Herrerok; norgehiagokako onena izan da.
Jokoari dagokionez, igartzen zaio Ford Mugarriri Andoni Bernal edo Kepa Isasmendi moduko jokalarien hutsunea. Erasoko jokoan, kanpotik batez ere, jokalari erabakigarriak ziren bai Bernal zein Isasmendi –besteak beste– eta orain erasoko jokoa are gehiago landu behar dute arrasatearrek: "Gakoa defentsako lana izango da aurten", uste du zuzendaritzako Andoni Bernalek. Bestalde, bi jardunaldi bakarrik jokatu dituzten arren lau jokalari lesionatu dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.