Lan horren baitan, Arrasaten hainbat elkarrizketa egin ditu Urrestik joan den astean zehar. Orain, berriz, Erroman dago. Aurrerago ere itzuliko da Debagoienera elkarrizketa gehiago egin eta Arizmendiarrietarekin lotura duten lekuen irudiak grabatzera.
Udaberrirako ikusgai
Urte bukaerarako elkarrizketa guztiak grabatuta izatea da zuzendariaren asmoa, Angel Gartziaren esanetan, eta datorren udaberri alderako ikusgai izatea aurreikusten du. Gartziak markinarraren kanonizazioaren alde dihardu lanean, eta adierazi du proiektua lagungarria dela, ikusgarritasuna ematen baitio kausari eta Arizmendiarrietaren figurari berari.
