Surrealismoaren maisuak datoz domekan Amaiara, beste umore bat eskaintzera

Faemino eta Cansado umoristak promoziorako argazki baten. Argazkia: Faemino y Cansado

Hamaika adjektibo erabil daitezke Faemino eta Cansado umorista ezagunen umorea deskribatzeko: absurdoa, inteligentea ulertezina, barregarria, inprobisatua, landua... Argi dagoena da ez dutela inor axolagabe uzten; hitzak eta keinuak dira euren osagai bakarrak, baina gai dira areto oso bat barrez leherrarazteko. Bada, Bergarako Pikupe Produkzioak-en eskutik domekan Como en casa ni hablar! azken ikuskizunarekin etorriko dira Amaia antzokira. 

Aurreko ikuskizunen ildo beretik doa, finean: agertokian argi fokuak eta mikrofono parea, besterik ez. Ez dute gehiago behar, batak besteari hitza lapurtuz, zentzurik gabeko berriketa etengabean eta eurak ere barre algaraka. Beste umore bat ekarriko dute Amaiara.

Sarrerak sarean salgai

Publiko fidela dute eta horren adierazle da Elgetako emanaldirako sarrera guztiak salgai jarri eta gutxira agortu zirela eta Amaia antzokirako azken lerroetako eserlekuak bakarrik geratzen direla libre. Sarrerak internetetik erosi ahalko dira Kutxabanken zein Udalaren webgunean; prezioa da 25 eurokoa –kudeaketa gastuak kontuan hartu gabe. Emanaldia 19:30ean hasiko da. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.