Urtero irailean egiten duten moduan, Musakolako lagun kuadrillak Estonia, Letonia eta Lituania ezagutu du aurten. 50 lagun elkartu dira aurten "ezberdinak" diren Europako hiru herrialde horiek ezagutzeko: "Oso leku politak ezagutu ditugu", diote. Badira zazpi bat urte irailean irteera bat egiten dutenetik; Frantzia, Kroazia, Polonia, Belgika eta Holanda bisitatu dituzte, besteak beste: "Datorren urterako Alemania edo Errumania izan daitezke aukeretako batzuk, baina oraindik ez dugu ezer erabaki", adierazi dute.