Arrasateko Udalak txakurrak lotuta eta dagokion txiparekin eramatearen beharra eta horien kakak jasotzearen kontzientziazio kanpaina abian jarri du. Udaletik hainbat kexa izan dituzte, arau hauek betetzen ez direlako, nahiz eta txakurrak lotu barik eramateko hiru gune bereziki egokituta egon. Arauak orain arte ez direla bete, eta hemendik aurrera jabeek legea bai ala bai bete beharko dutela azaldu du Obrak, Zerbitzuak, Mantenua eta Auzoak batzordeko buru Oscar Garciak.
Lehenengo fase baten, kartel eta bando bidez txakurrak lotuta eramatearen beharra eta kakak batzearen beharra gogoratuko dute, eta hilabeteren ostean, isunak jartzen hasiko dira. Zigorrak 30 eta 1.500 euro artekoak izango dira, eta txakur arriskutsuen kasuan, lotuta egoteaz gain, muturrekoa eraman beharko dute. Arriskutsuak izan daitezken txakurrekin arauak ez badira betetzen, isunak 2.404 eurotik, 15.025 eurora bitartekoak izango dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
