El Salvadorko Las Vueltas herriko alkatea Arrasaten

Rosa Cándida Alas de Menjívar eta Maria Ubarretxena

Joan den asteko bisitaren helburua Arrasateko Udalari eskerrak ematea zen Garapenerako Lankidetzaren Udal Programan emandako diru laguntzagatik; Las Vueltas El Salvadorko Chalatenango Departamentuko herri txiki bat da, 1750 biztanle dituena. Bi ordezkari etorri ziren, haietako bat alkatea, Rosa Cándida Alas de Menjivar. 

Gobernuz Kanpoko Erakundetarako diru laguntzaren deialdi barneko programa da eta beraz, Las Vueltasen eramaten ari diren proiektuaren egoera eta etorkizunerako planak ezagutu zituen Maria Ubarretxena alkateak. Udalaren arabera, proiektuaren oinarrizko helburuak esparru fisiko kulturalak eta historikoak eratzea dira, horiek aldarrikatzeko eta herriaren garapena turismo mailan sustatzeko.

Helburu horiek lortzeko bidean Herriko Plaza berreraiki da eta Kultura etxea eraikitzen ari dira gazte eta umeendako bereziki eta herriko biztanle guztiendako orokorrean. Hurrengo urratsa izango da Las Vueltasen inguruko ondasun natural eta historikoak aprobetxatuz (Cerro el Picacho, antzinako indigenen bizilekuak El Naranjos-en, El Barracón...), ibilbide turistikoa eraikitzea, herriko garapen ekonomiko eta kulturala sustatzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.