Tomatea izango da zapatuan Seber Altube plazan egingo den baserritarren azokako (09:00-14:00) produktu izarra: "Inguruko ortu gehienetan ekoizten da tomatea, askotarikoa. Baserritarrekin hala adostuta, erakusketa txiki bat egingo dugu mota bakoitzaren aleak erakutsiz eta horien ezaugarriak deskribatuz. Gero tomatea oinarri duten jakiak prestatuko ditu Jesus Romero sukaldariak", aurreratu du Enplegu eta Garapen Saileko teknikari Marga Garmendiak.
Tomateaz gain, protagonismo berezia izango dute Lodosako piperrek, eta bertako ekoizlea sutegi eta guzti etorriko da.
Gainerakoan, 16 postu egongo dira biharko azokan. Uda garaiko produktuez josita izango dituzte postuak; ohi moduan, sukalderako tresnen postuak ez du hutsik egingo.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.