Ertzaintzak emandako informazioaren arabera, 06:00ak izateko minutu gutxiren faltan jaso zuten abisua, polizia eta anbulantzia eskatuz. Esandako tokira iritsitakoan, agenteek gizonezko bat aurkitu zuten lurrean etzanda. Zauri bat zuen odoletan, gorputzaren albo batean, eztabaida izan zuen beste gizonezko batek eragindakoa, ustez. Handik gutxira eta inguruko kale batean, Arrasateko udaltzainek ustezko erasotzailea aurkitu zuten. Ertzainek atxilotu eta ertzain-etxera eraman zuten, egin beharreko tramiteak egin eta justiziaren esku uzteko.
