Ttakun txalaparta taldekoek antolaturiko Kurtzetxikiparta! jaian, dibertsiorako eta oroimenerako denbora izan zuten. Zaldibarren hasi eta Kurtzetxikiraino igo ziren Arrasateko pilotalekuan elkartu ziren 80 bat herritarrak alboka, adar eta pandero soinuez lagunduta. Behin Kurtzetxikin, txalaparta hotsek eta Lorentxo Altuberen memoriak hartu zuten tontorra, izan ere, musika tresna egileari omenalditxoa egin zioten.
Ttakun taldeko Zubizarreta eta Telleria izan ziren txalaparta astintzen lehenak, eta ostean Lorentxo Altuberen familiakoei hitz batzuk eskaini zizkieten. Bertan zeuden Kopi eta Igoneri, “txalaparta horrenbeste jenderi erakutsi izana” eskertu zieten eta ostean bertso bat kantatu zieten. Koadroa ere oparitu zieten Altuberen etxekoei, argazkia eta bertsoarekin. Ostean, Kepa Altube Kopi-k, Lorentxo Altuberen semeak, esker oneko hitzak izan zituen bertaratutakoentzat eta Igone emaztearekin batera txalaparta jo zuen. Ondoren jan eta edanarekin batera saio libreei hasiera eman zieten eta goiz pasa ederraz gozatu zuten.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak