Gasolina eta gurpil erreen usaina Garaia Berrikuntza Gunean, aste bukaeran

Auto bat ziztu bizian, iaz Markuleten egindako erakustaldian.

A + Gas marka arrasatearrak, Mondragon Unibertsitateko Login Lan kooperatibarekin elkarlanean, bigarren urtez antolatu du autoen erakustaldia. Iaz Markuleten egin zuten eta aurten Garaia Berrikuntza Gunean izango da, aste bukaera honetan.

Data –iaz uztailean egin zen– eta leku aldaketaz gain, Time attack deritzon diziplina izango da aurtengo nobedade nagusia; proba horretan 12 pilotuk hartuko dute parte, eta denborak neurtuko dizkiete. Erlojuaren kontrako proba hori hilaren 26an izango da, goizean zein arratsaldean. 20:00ak aldera amaituko da proba berezia.

Asteburu osorako plana 

Antolatzaileek asteburu osorako egitaraua prestatu dute aurten. Irailaren 26an 09:30ea irekiko dute txosna eta auto klasikoen zein gaur egungoen erakusketa ere jarriko dute. 10:00etan Time attack probarako entrenamenduak hasiko dira. Irailaren 27an ere ez da gasolina eta gurpil erreen usainik faltako, izan ere, denbora mugarik gabeko erakustaldia izango da, 16:30ean hasita. Lehenago, 12:00etatik 14:00etara, irteera egingo dute Arrasatetik eta inguruko herrietatik. Bi egunetan umeendako ekitaldiak ere izango dituzte, 11:00etatik 14:00etara.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.