IK4-IKERLANeko lehendakari berria da Iñaki Aranburu

Iñaki Aranburu.

Ikerlanen 15 urtez, zein Goizperren eta Oronan jardun du Aranburuk lanean, garapen eta ikerketan beti. Aranburuk, Jesus Maria Iriondori hartuko dio lekukoa eta honek IK4-Teknikerreko presidente gisa jarraituko du. 

IK4ko lehendakari berriak IK4-IKERLANen hasi zuen ibilbidea. 15 urtez jardun zuen han, eta Kontseilu Errektoreko kide ere izan zen. Ondoren, Produktu Garapeneko zuzendari izan zen Goizper kooperatiban, eta Olaker, Goizperreko I+Gko unitatea, jarri zuen martxan.  Handik lau urtera, Oronan hasi zen eta han berrikuntza teknologikoaren alorra garatu zuen: Orona eic, I+Gko unitatea, sortu zuen. Gaur egun, Oronako Korporazio, Sustapen eta Marketineko zuzendaria da, eta IK4-IKERLANeko lehendakaria.

Aldaketak zuzendaritzetan

Euskadiko aliantza teknologikoaren zuzendaritza-organoetan hainbat aldaketa egin dira. Lehendakari berriaz gain, lehendakariorde berria ere izango du: Iñaki Otaño (IK4-LORTEK). José Miguel Erdozainek jarraituko du zuzendari nagusi izaten.

Iñaki Otañok, berriz, Mondragonen egin du bere ibilbide profesionala: talde enpresarialaren lehendakariorde izan zen, eta haren nazioartekotzea bultzatu zuen. Gaur egun, IK4-LORTEKeko lehendakaria da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.