Malen Ruiz de Azua eta Maialen Axpe atleta arrasatearrak zilarrezko eta brontzezko dominekin itzuli dira hurrenez hurren Castellon jokatutako Espainiako txapelketa absolutuetatik. 4,05 metroko jauzia egitea lortu zuten pertika jauzilari biek ala biek. Emaitza historikoak dira Gipuzkoako atletismoarendako, ezen urrezko domina ere etxean geratu zen, Naroa Agirrek eskuratu zuen-eta. Podium osoa, beraz, Gipuzkoarendako.
Arrasate Atletiko Taldetik Castellon jokatutako Espainiako txapelketan lehiatu diren gainontzeko atletei dagokienez, bosgarren postuan sailkatu zen Ruiz de Azuaren eta Axperen entrenatzaile Jonathan Perez, 4,90 metroko saltoarekin; eta hamargarren sailkatu zen, berriz, Istar Dapena gaztea, 4,70 metroko saltoarekin.
Bestalde, Iñigo Uribarren zazpigarren lekuan sailkatu zen, kasu horretan, salto hirukoitzean.
"Ahal duten moduan entrenatzen"
"Zorionak Mojategiko instalazioetan ahal duten moduan entrenatzen duten jauzilari horiei, eta ez gainontzeko jauzilariek moduan, oso instalazio onak izaten dituztela entrenatzeko", adierazi dute Arrasate Atletiko Taldetik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
