Gaur banatuko dira Monteko porrako sariak

Jokin Bereziartua Lizarazu 2015eko uztailaren 30a

2013ko porrako irabazleak.

Frantziako Tourreko porraren barruan, dirutza banatuko du Monte tabernak aurten ere; gaur, uztailak 30, egingo da sari banaketa ekitaldia, 19:00etan hasita. Lehen hiru zerrendek puntuazio berbera lortu dutenez (1.594 puntu), 9.307,75 euro poltsikoratuko dituzte: Power Payer (Eskoriatza), Joseba 79 (Igorre) eta Tour Minator (Arrasate) izan dira zerrenda irabazleak. Hiru sari nagusien diru kopuruak batu eta hiruren artean banatuko dira. Informazio gehiagorako, hemen klikatu.

Xantini lagunartearen porrak, Arrasateko Monte tabernan antolatzen denak, datu esanguratsuak utzi ditu aurten ere. 1.201 parte-hartzaile izan dira aurten eta antolatzaileek honela banatu dituzte sariak; hortaz lehen hiru sarien arteko zatiketa eramango dute lehen hiru zerrendek (9.307,75 euro bakoitzak):

Lehenak: 14.412 euro

Bigarrenak: 9.007,50 euro

Hirugarrenak: 4.503,75 euro

Laugarrenak: 900,75 euro

Bosgarrenak: 900,75 euro

Seigarrenak: 900,75 euro

Zazpigarrenak: 900,75 euro

Zortzigarrenak: 900,75 euro

Bederatzigarrenak: 900,75 euro

Hamargarrenak: 900,75 euro

Kirola Arrasate

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.

Harpidetza aukera guztiak