Zerrajerako jaiak gaur Arrasaten, arratsaldetik gaueko ordu txikietara arte

Aurtengoarekin sei urte dira dagoeneko Zerrajera kaleko bizilagunak elkartu eta auzoko jaiak ospatzea erabaki zutenetik, eta dagoeneko errotu zen zita da hainbat auzotarrendako zein arrasatearrendako. Egitaraua motza baina ekintzez josia izango da, haur, gazte zein helduendako: zumba erakustaldia (17:00), haurrendako jolasak (17:30), puzgarriak (18:30), erraldoi eta kilikien konpartsa handia (19:30), boloa (20:15), haurrendako afaria (20:45), auzo afaria (21:15) eta dantzaldia DJ Amaiaren eskutik (22:00).