Amaia antzokian izan zen orain urte batzuk, eta domekan, Arrasaten izango da berriz ere; oraingoan, Udazabal programaren barruan bihar, domekan, 20:00etan, Seber Altube plazan (euria bada, Biteri plazan).
Ikuskizun berria
Publiko guztiarentzako saioa prestatu du Sun magoak domekarako: "Nire ikuskizunetan ikusleak izan dira beti protagonista nagusiak, orain arte egin ditudanetan eta estreinatu berria dudan honetan ere bai. Misterioarekin eta estetika zainduarekin lagunduta, itxura baten ezinezkoa denarekin ordubetez, amets egiteko gonbidapena egin nahi dizuet beste behin".
Estatuko onenetakoa
2011. urtean jaso zuen Sari Nazionalak eta orain gutxi eskuratu duen Almussafes sariak onenen artean kokatzen dute Gasteizkoa. Askotariko magia erakustaldiak egin izan ditu herriz-herriko birez gainera: Laboral Kutxa saskibaloi taldearekin elkarlanean sortutakoak eta hainbat telebistatan egindakoak, horien artean. TVEn grabatu berri du azkena, oraingo astean.