Hiru egun-pasa uztailean Txatxilipurdirekin

Neska-mutiko koadrila mendian, Txatxilipurdirekin martxoan egindako irteera batean.

Udan be… blai! programaren barruan, egun-pasak antolatu dituzte hilaren 22, 23 eta 24rako, Euskal Herriko leku desberdinetara: Aulestira 22an, Oriora 23an eta Gamarrara 24an. Egun bat lehenago, hilaren 21ean,  amaituko dira udalekuak eta gura dutenek aste hori luzatzeko aukera izango dute irteera horien bitartez. Txatxilipurdik parte hartzeko aukera eskaini nahi dio animatzen den orori, beti ere, 2-12 urte bitartekoa bada. 

Irteera 10:00etan izango da, Garibaiko autobus geltokian, eta 17:00etarako etorriko dira bueltan. Egun pasa bakoitzeko 15 euro ordaindu beharko dira. Izena ematea egubakoitzera bitarte, uztailak 10, egongo da irekita Txatxilipurdiko bulegoan, eta izena ematearekin batera ordainketa egin beharko da.

Plaza mugatuak izango dira: gehienez 50 eta gutxienez 30. Lehenengo izena ematen dutenek izango dute lehentasuna, eta jarraian itxaronzerrenda bat jarriko dute.

Informazio gehiago: 943 79 54 46 telefono zenbakian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.