BM supermerkatu berri bat irekiko dute Musakolan datorren urte amaierarako

Uvesco taldeak BM supermerkatu berri bat irekiko du Arrasateko Musakola auzoan; Gipuzkoa etorbideko 32. zenbakian joango da Supermerkatu berriak 1.400 metro koadro izango ditu, 201 aparkaleku –127 lurrazalean eta 74 lur azpian–, eta 20 lanpostu berri sortuko ditu. Bi milioi euroko inbertsioa aurreikusi dute eta asmoa da 2016. urte amaieran irekitzea. 

Prentsa ohar bidez jakinarazi dutenez, supermerkatu berri horren irekierak tokiko ekonomia sustatzeko apustua egiten dutela berresten du: "BM-k tokiko ekonomiaren aldeko hautuarekin fidel jarraituko du, aberastasuna eta enplegua sortzen lurralde bakoitzean". Horrekin batera, nabarmendu dute langileen espezializazioa dutela oinarri: "Bezeroarenganako zerbitzuan klabea da langilea espezialista izatea. Gainera, produktu freskoarekin jarraituko dugu, bertako ekoizleak babestuz". 

Arrasaten irekiko duten bigarren supermerkatukoa izango da Musakolakoa. San Andresen dago bestea, Araba etorbidean. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.