Tabernako ugazabek urteko gau nabarmenetako baten ateak itxi behar izana salatu dute Arrasateko tabernariek, eta horrek sortutako kaltearengatik elkartasuna adierazi diete DAT-ekoei. Erasoa gaitzestearekin batera, horrelako jarrerak “lekuz kanpo” daudela adierazi dute, jaietan lan egiten duen tabernarientzako errespetua eskatuz. Sortutako kalteak konpondu ostean, DAT taberna zabalik da berriz ere.
Arrasateko tabernarien ordezkaritza zabal batek “ozen” salatu nahi izan du joan den ekainaren 23ko gauean DAT tabernak jasan zuen erasoa. Goizaldeko hiruak aldera, gero burua estalita korrika ihes egin zuen ezezagun batek, tabernan dagoen itzalgailua zabaldu eta lokal guztia hautsez bete zuen. Taberna beteta egonik, han zeuden pertsonek kalera irten behar izan zuten arnasa hartzeko eta DATeko arduradunek taberna itxi behar izan zuten hautsak taberna guztia zikindu baitzuen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak