Sanjuanetan lapurretak saihesteko gomendioak eman ditu Ertzaintzak

San Juan jaietan eman daitezkeen lapurretak saihesteko asmoz, Ertzaintzak kanpaina berezia abiatu du herriko ostalariei begira; kartelak atera ditu Deba-Urolako Ertzain-Etxeak ostalariek tabernetan jar ditzaten. Sakelako telefono, diru-zorro eta gauza baliotsuak dituen bestelako zorroak zaindu barik uztea ekiditea eskatzen du Ertzaintzak: "Jaietan ere adi egon zure zorro, diru-zorro eta sakelako telefonoari. Saiatu diru-zorroa eta sakelako telefonoa patrikan gordetzen. Ez utzi zure zorroa edo jaka zaindu gabe barruan gauza baliotsuak dituelarik. Zorroa itxita mantendu eta gorputzaren aurrealdetik helduta", dio kartelak.