Anger eta Governors taldeek kontzertuak eskaini zituzten zapatuan, txosnagunean, sanjuanetako lehenengo gauean. Anger talde beteranoa jotzen hasi zenean giroa pixka bat hotz zegoen, baina apurka musikarekin berotzeko gai izan ziren. Gainera, azken diskoan atera duten Ruper Ordorikaren 'Zaindu maite duzun hori' kantaren bertsioa ere jo zuten, eta Jul Bolinagari eskaini zioten.
Governors taldeak ere kontzertu ederra eskaini zuen. Arrasateko taldeak teknikoki oso kontzertu borobila egin zuen, eta su eta ke efektuak ere ondo zaindu zituzten, beti bezala. Kanta berriak eta zaharrak nahastuta jo zituzten.
