Poltsen, mugikorren edo diru-zorroen lapurretak saihesteko emango ditu gomendioak Deba Urolako ertzain-etxeak. Herritarrei arreta mantentzea eta lapurretak saihesteko neurriak hartzea eskatu zaie, San Juan jaietan jendetzaren artean gehiagotu egiten dira-eta. Horretarako diru-zorroa eta mugikorra barneko poltsikoetan gordetzea, eta poltsa edo gaineko arropak zainduta izatea gomendatzen dute. Poltsa beti itxita eta gorputzaren aurrealdean mantentzea ere gomendatzen du Ertzaintzak.