Amaitu da Herri Artekoa Arrasaterendako

Aurtengo Herri Artekoan jokatu duten pilotari arrasatearrak.

"Hobeak izan dira". Argi eta garbi egin du berba Ibai Bolinaga pilotari eta entrenatzaile arrasatearrak Herri Arteko Txapelketaren barruan Astigarragaren aurka jokatutako kanporaketaz. Hori bai, sei partidutatik bakarra irabazi duten arren Bolinaga pozik dago txapelketan egindakoarekin: "Lehen kanporaketa ondo gainditu genuen eta bigarrenean faborito argietako bat izan dugu aurrean. Azken urteetako talderik onena izan dugu". 

Astigarragan hiru norgehiagokak galdu zituzten arrasatearrek. Kadetetan 22-17 galdu zuten: "Partidu hori irabaztea ezinbestekoa zen; gainera, ondo joan ginen 2-10 irabazten, baina markagailuari buelta ematea lortu zuten", dio Bolinagak. Gazte mailan eta seniorretan 22-12 eta 22-16 galdu zuten, hurrenez hurren: "Astigarragako frontoia oso ezberdina da eta igarri dugu. Hobeak direnean ez dago besterik, aurkaria txalotu behar". 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.