Hauteskundeetan emaitza historikoa lortu zuen EAJk Arrasaten. Alderdi bozkatuena izan zen (3.748 boto), EH Bildu baino 400 boto gehiago jasota (3.348). Jeltzaleek zortzi zinegotzi izango dituzte eta koalizio ezkertiar eta abertzaleak, berriz, zazpi. Alderdi sozialistak hirugarren indarra izaten jarraitzen du (1.321), baina lau zinegotzi izatetik hiru izatera pasako dira.
Bestalde, talde berriak ere sartuko dira udalbatzan; Ahal Dugu-Podemosen marka den Baleikek bi eserleku lortu ditu (1.192) eta Irabazi-Ganar koalizioak bat (567). Alderdi Popularrak (385) ez du ordezkaririk izango.
Auzoei dagokienez, Musakolan (EH Bildu) eta Santamainan (PSE-EE) izan ezik gainerako auzo guztietan zerrenda bozkatuena izan zen jeltzaleena, udal hauteskundeetarako zein batzar nagusietarako.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.