Udal eta Foru hauteskundeak 2015

EH Bilduri botoa emateko deia luzatu dute herriko hainbat gaztek

Arrasateko gazteek talde argazkia egin dute Biteri plazan.

Arrasateko gazte ugari batu da gaur Biteri plazan, herriko gazteriari hauteskundeetan parte hartzeko deia egiteko. "Hauteskundeak tresna erabilgarria dira herri libre baterako bidean. Hala, EH Bildu alderdia da gure aukera", azaldu dute.

Astelehenean Gasteizeko Herri Harresian bizi eta ikusitakoa gogora ekarriz hasi dute ekitaldia, zera adieraziz: "Libre izan, eta modu librean euskal jendartean modu aktiboan inplikatu nahi duen euskal gazteriak, erresistentzia eta duintasun erakustaldi berri baten protagonista izan da".

Eredu horrek "gazteen prekarietatea sustatzen duela" eta "herritarren parte hartzea eta erabakitzeko eskubidea etengabe ukatzen dituela" azaldu dute.

Hala, gazteen ikuspegia udalean, eta aldi berean Gipuzkoan "bermatzeko" domekako hauteskundeetan EH Bildu alderdiari botoa emateko deia egin die herritarrei.

Bihar, EH Bilduren azken ekitaldia

Bestalde, bihar eguena, 18:30etatik aurrera herriko plazan hauteskunde aurreko azken ekitaldia burutuko dute EH Bildukoek. Musika eta jatekoa izango da, eta hori horrela plazara gerturatzeko gonbidapena luzatu diete herritarrei.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.