Udal eta Foru hauteskundeak 2015

Arrasateko EH Bildu: "Traben gainetik bide berdinean jarraituko dugu"

Arrasateko EH Bilduren kartelak lurrean, Zurgin kantoian.

Arrasateko EH Bilduk salatu duenez, hauteskunde kanpaina normaltasunez igarotzea eragozten duten "hainbat gertaera" eman dira azken egunotan. Batetik, hauteskunde batzordearen trabak salatu dituzte: "Kanpaina hasita izan arren, hainbat egunez botoak erreteniturik izan ondoren, Gipuzkoako herri erdietara soilik bidali dituzte botoak". Bestetik, Arrasateko kaleetatik EH Bilduren kartelak "bakarrik" kentzen ibili direla kritikatu dute. 

Koalizio ezkertiar eta abertzalearen arabera, "garbi" dago zein den kaltetu nahi duten aukera politikoa: "Traben gainetik bide berdinean jarraituko dugu, herritarrak erdigunean kokatuz eta ez gutxi batzuen interes ekonomikoak. Horrela, eskuz esku elkarlanean etxe guztietara banatuko ditugu botoak. Ez da etxe bat botorik gabe geratuko eta domekan ez dezagun boto bakar bat etxean utzi. Duela lau urteko botoak eta gehiago beharko ditugu azken urteetan hasitako bidea jarraitzeko, aldaketan sakontzeko. Herritarrok garaile izateko, ez gutxi batzuk", adierazi dute prentsa ohar bidez. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.