'Musakolatik kalera'

Heriztarrak zalgurdian.

Oraingo astean hasiko diren Musakolako San Isidro jaiak abiapuntu, 1923. urtera joan eta auzoko eskola bateratua inauguratu zenekoa dakar Josemari Velez de Mendizabal historiagileak gaurko kontakizunean. Heriztarrak eta haien negozio-bideaz jarduten du: zalgurdia baliatuta, "zahagi, kupel eta beste merkatal gaiak banatzen zituzten heriztarrek".

"Argazkiko zalgurdia Musakolatik “kale”rantz itzultzen ari zen, ziurrenik alondegiko zahagiren bat auzoko tabernaren batean utzi ondoren. Bidekurtze inguruan dago aterata argazkia eta ondo fijatzen bagara, bideko beste muturrean – gaur Gipuzkoako Etorbidea-  Unión Cerrajeraren ikaztegi eta haroztegiko tailerrak ikusten dira. Ezker aldean, hondoan, eskola jarri zuten etxea ageri da. Eta eskuinean, Hierroren etxea", kontatzen du Debagoieneko historiagileak.

Argazkian azaltzen direnak honakoak dira: Heriz, zalgurdiaren jabea, haren seme Gabriel eta zutik, brusarekin, Andres Viteri azaltzen da, Herizen enplegatua. Ez du lortu, berriz, laugarren laguna identifikatzea, "baina pozik doanik ezin uka", dio Velez de Mendizabalek. Osorik irakurtzeko, hemen klika daiteke.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.