Mende laurden bete du Arrasate Margo taldeak eta horixe ospatzeko eta gogoratzeko, atzera begirako erakusketa jarri dute Kulturaten. Inaugurazioan elkarteko hainbat margolari eta ikasle ohi elkartu dira. Maiatzaren 29ra bitartean dagoz ikusgai lana, astelehenetik eta zapatura bitartean, arratsaldez.
Kulturateko klaustroa hartu dute Arrasateko Margo elkarteko kideek egindako margolanek. Egile bakoitzari panel bat egokitu zaio, eta bina lan jarri ditu bakoitzak erakusgai. Klaustroan zehar barreiatuta, elkartearen 25 urteak erakusteko moduko esposizioa osatu nahi izan dute margolariek. Ehun lan inguru bildu dituzte hainbat teknikaz egindakoak.
Erakusketa, jada zabalik geratu da, eta hilaren 29ra bitartean bisitatu ahalko da. Astelehenetik zapatura, 17:30etik 20:30erako ordutegian.
Margolan erakusketaren ondotik, bazkaltzeko hitzordua zeukaten taldeko kideek, 25. urteurrena behar den bezala ospatzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
