Udal eta Foru hauteskundeak 2015

Arrasateko EH Bilduk ekitaldi politikoa egingo du zapatuan

Arrasateko EH Bilduren zerrenda.

Arrasateko EH Bilduk ekitaldi politikoa egingo du zapatuan, maiatzak 9, Herriko plazan (19:00). Egun berean parte hartzearen gaineko hausnarketa saioa egingo dute Azoka Plazan, 10:00etan hasita. Gogoeta saioaren ostean, Azoka Plazan bertan bazkalduko dute (14:30). 

EH Bilduren alkategai Eneko Barberenak asteon azpimarratu duenez, herri programak pertsonak jartzen ditu erdigunean: "Pertsona guztiok aukera berdinak izateko egingo dugu lan". Gainera, enpleguari "garrantzia berezia" emango dio koalizio ezkertiar eta abertzaleak: "Herriko langabeziari eta prekarietateari aurre egiten saiatzeko mahai bat osatuko dugu herriko eragile, enpresa eta langabezia zein prekarietatea sufritzen dutenekin. Diagnosi bat egingo dugu neurri zehatzak hartzeko".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.