Arabar Errioxara joango dira 'berbalagunak' maiatzaren 9an

Bastida inguruan ibiliko dira eta Fran Zumalabe arkeologoak lagunduta, bisita gidatua egingo dute Berbalagun ekimeneko kideek. Euskaltzale eta kide guztiei zabaldu diete gonbidapena AEDtik, "euskara praktikatuz eta gastronomiaz eta kulturaz gozatzeko, udaberriko irteera" honetara. 45 euro ordaindu behar dira eta izena maiatzaren 6a baino lehen eman behar da.

Egitaraua

- Goizeko 09:00etan Arrasatetik irteera.
- 10:00etan, Bastidan Fran Zumalabe hartuko dute.
- 10:15ean, Peciñako inguruak bisitatuko dituzte Santa Maria eliza erromanikoa, nekropoliak eta dolmenak.
- 12:00etan, San Vicenteko gaztelua bisitatzea. 
- 13:00etan, San Vicentetik Bastidara bueltan poteoa.
- 14:30ean, bazkaria Jatorrena jatetxean.
- Bazkalostean bisita gidatua Franekin Bastidatik zehar.
- 19:00etan buelta Arrasatera.

Halaber, maiatzaren 30ean Mintza Eguna ospatuko da. Aurten Beran (Nafarroa), jaiaren 10. urteurrena ospatuko dute gainera. Joan nahi duenak, maiatzaren 26ra arte dauka bazkariko txartelak erosteko epea (AEDn, 17 euro).

Informazio gehiago, hemen.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.