Kale-agerraldia 17:30ean hasiko da. 19:30ean, Udalari jakinaraziko dizkiote euren eskaerak.
Helburua da euren erreibindikazioak "Gipuzkoako herrietatik zabaltzea", bereziki Legazpin Fagor Etxetresnetako bazkide asko daudelako. Gainera, Mondragon Korporazioko presidente Javier Sotilen bizilekua dela ere aipatzen du Ordainduk.
Honako hau dio Ordainduk: "Korporazioaren hutsuneen gaineko eztabaida Fagorren itxierak utzi zituen bi fronte nagusietan ireki nahi dugu: kaltetu guztiendako lanpostu finkoak eta gure aurrezkiak itzul diezazkiguten".
Sotilek komunikabideetan egindako baieztapenak ukatzen ditu Ordainduk: "Sotilek dio 1.600 bazkide inguru birkokatu direla. Ulertzera ematen da horiek guztiek lanpostu finkoa dutela, eta hori guztiz gezurra da. Unean uneko ordezkapenak egiten dihardute pertsona horiek. Bestalde, Fagor berri bat aldarrikatzen du, nola ulertzen du Sotilek Fagor berri bat Mondragonek konpondu barik utzi zituen arazoak konpondu gabe?"
