Laboral Kutxak Arrasateko Iturriotz kalean duen bulegoan pintadak egin dituzte. Hiltzaileak eta Miren gogoan dioten pintadak egin dituzte, eta horrez gain, margo gorria ere bota dute. Martxoan, Antsoainen, bere buruaz beste egin zuen Miren Peñaren heriotza salatu nahi izan dute horrela.
Bulegoko kanpoaldean eta barruan –dirua ateratzeko makinak dauden tokian– egin dituzte pintadak. Makinek ez dute kalterik jasan eta erabilgarri daude.
Miren Peñak bere buruaz beste egin zuen martxoan, Antsoainen. Laboral Kutxarekin zuen bere etxearen hipoteka Peñak; emakumeak hipoteka berriro ere negoziatu nahi zuen, baina Laboral Kutxak ezezkoa erantzun zion.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.