Aste bukaera erabakigarria MUren saskibaloi taldeendako

Mireia Bikuña 2015ko api. 24a, 11:30

Infantil, junior, lehenengo territorialeko eta EBAko taldeek partidu garrantzitsuak dituzte: infantil taldeak eta EBA mailakoak Arrasaten, eta beste biek, Tolosan eta Zarautzen, hurrenez hurren.

Infantil mailako taldeak Gipuzkoako Txapelketako finalaren itzulerako partidua jokatuko du Musakolan (zapatua, 10:15). Joaneko partiduan 36-43 irabazi zuen Donostian, eta errenta horri eutsi beharko dio txapeldun izateko.

Bestalde, junior mailako taldea liga txapeldun izan daiteke Tolosan irabazten badu (zapatua, 10:00). Lehia irabazita, Gipuzkoako Txapelketako finalerdietarako sailkatuko da.

Territoriala eta EBA

Mondragon Unibertsitatearen talde nagusiek ere norgehiagoka erabakigarriak dituzte. Bigarren territorialean diharduen taldea mailaz igo daiteke Zarautzen irabaziz gero (zapatua, 16:00). Garaipena lortuta Lehenengo Territorialean lehiatuko da irailetik aurrera.

Azkenik, EBA mailako taldeak partidu gogorra eta intentsua jokatuko du Kantabriako Estelaren kontra (zapatua, 18:00). Josu Larreategiren taldeari garaipen bakarra falta zaio matematikoki mailari eusteko. Zaleen laguntza ezinbestekoa izango da partidua irabazi ahal izateko.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak