Zazpi kontzeptutan oinarritzen da taldeak proposatzen duen aisia-eredua, eta oinarrian haurrei parte hartzeko eta erabakitzeko ahalmena aitortzea dago: "Jolasa eta sormena ikasteko eta garatzeko berariazko tresnatzat dituen haurren kultura aitortu, eta hori oinarri hartuta, haurrei benetako parte-hartze eta erabakitze ahalmena eman, eta eurek eraikitako aisia hezitzaile eta euskaldunaren bitartez, aniztasunean berdin eta parekide izanez, eta ingurumen naturala eta kulturala zainduz, komunitate sarea eta auzolana indartzea eta pertsonen arteko harreman osasuntsu, justu eta asegarriak jostea".
Bost liburuxka
Lan taldeak bost liburuxka atera ditu; horietan, proposatzen dituzten aisi ereduen gaineko aholkuak eskaintzen dituzte. Nola egin ludoteka parte-hartzailea liburuxka Txatxilipurdik egin du.
Kursaalean jardunaldia
Horrez gain, Herri hezitzailea, eskolarra herritarra jardunaldiak antolatu dituzte Donostiako Kursaalean, apirilaren 24rako eta 25erako.