“Kalitatezko Osakidetzaren alde” lekoarekin protesta egin dute SATSE, ELA, LAB, CCOO, UGT, ESK eta ordezkaritza duten gainerako sindikatuek. Euren "eskariei entzungor" egitea leporatzen diete Osakitzaren Zuzendaritzari. Hori dela eta, "benetako negoziazioa" behartzeko bi eguneko greba deitu dute apirilaren 23 eta 24an.
Lan Enplegu publikoaren benetako eskaintza egin dezala exijitzen diote sindikatuen Osakidetzaren zuzendaritzari, bai eta aurreko jardunaldira buelta eta lizentzien berreskuratzea ere. Horrez gainera, ordezkapenak lehenengo egunetik indarrean sar daitezela eskatzen dute eta 2011ko Garapen Profesionalarekin amaitzea. Sindikatuen ordezkarien iritziz, "egingarriak dira puntu guztiak, gainontzeko administrazio publikoetan argi geratu den bezala".
Bi eguneko grebaren aurretik, apirilaren 18an, manifestazioa deitu dute Bilbora.
Grebaren lehenengo egunean, apirilaren 23an, elkarretaratzeak, Donostiako Pio XII, Gasteizko Santiago eta Barakaldoko Gurutzetako ospitaleen aurrera deitu dituzte. Bigarren greba egunean, Bilbon egingo dute manifestazio nagusia.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
