On Jose Maria Arizmendiarrietaren jaiotzaren 100. urteurreneko ekitaldien barruan, domekan, erakusketa irekiko dute Arrasateko San Juan Batailatzailearen parrokian: tamaina handiko panel bat jarriko dute eta haren bizitza eta lana jasotzen dituen ikus-entzunezko bat bota. 11:00etan, Horazio Argarate parrokoak esango duen mezarekin emango diote hasiera. Erakusketa astelehenetik egubakoitzera bisitatu ahal izango da, 10:00etatik 12:00etara eta 16:00etatik 18:00etara, maiatzak 11ra arte.
Arizmendiarrieta kanonizatzeko batzordeak antolatu du erakusketa. Bertatik azaldu dutenez, helburua da Arrasaten kooperatiben mugimendua bultzatu zuen apaizaren gizatasunaren berri ematea gizarteari; Arizmendiarrietaren ereduaren bitartez, bizitza ekonomiko eta sozialean kooperazioa praktikatzera deitu gura dituzte kristauak, gizarte justuago baterako bidean.
Urtemugako ospakizunen harira, Arizmendiarrieta100.com webgunea jarri zuten martxan, martxo amaieran.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
