'Oinazetako Ama Birjina, 1953'

1953an prozesioa Arrasaten, Garibaitik pasatzen. Argazkia: Josemari Velez de Mendizabal

Sasoi bete-beteko argazki eta kontakizunerako gonbita egin du 1949an jaiotakoen blogaren bitartez Josemari Velez de Mendizabal historiagileak: 1953. urtera joan eta orduko Oinazetako Ama Birjinaren pausua. "Prozesioa Garibai eta Biteri etorbideen artean dago, egunkarietako saltokiaren parean. Domingo Artzamendi alkate ohia agertzen zaigu lehen lerroan", kontatzen du, besteak beste.

Domingo Artzamendiz gainera, argazkian azaltzen diren prozesioko ia kide guztien izenak dakartza kontakizunak, Ama Birjina bera inguratzen dabiltzan guardia zibilak izan ezik, "badaezpada ere, mozal legea dela eta", dio Debagoieneko historialariak.

Tipleak

Honako hauek azaltzen dira, hain justu ere: "tipleen aurretik Don Frantzisko (Arrizabalaga) organo jole eta abesbatzetako zuzendaria. Eta tipleak? Tumatxa! Jose Luis Ezkurraren laguntzarekin identifikatu ditut gehienak:

1. lerroan: eskumatik- ezkerrera: Arturo Goikoetxea, ezezaguna, Joakin Ziardegi, José Ramón Fernandez eta José Mari Madinabeitia. 2. lerroan: José Luis Ezkurra, José Luis Torres, Roberto Egidazu, Jose Luis Loiti eta Germán Berezibar.3. lerroan: ezezaguna, José Ignacio Goikoetxea, Jesús Mari Arzamendi, Javier Kintana, Joakin Etxebarria, ezezaguna.

Abesbatza

Parrokiako abesbatza dator segidan. Ahots ederrak, bai jauna! Eta hor izen mordoa eman daiteke. Julito Iriondo, Alfontso Gorroñogoitia, Barrutia, Fertxu Aranburu, Felix Arriaran, Patxi Nafarrete, Pablo eta Pedro Zumelaga, Juan Bautista Usandizaga, Juantxu Aranburu, Jose Mari Kortabarria, Arroitia, Jose Mari Mendizabal, David Arzamendi, Luis Maidagan, Jose Antonio Gonzalez, Castor Uribe, Zabaleta, Rafael Trincado, Juan Arzamendi, Oskar Azkonaga, Javier Aranzabal, Alfontso Arzamendi eta abar. Kuadrilla ederra, arranopola! Zelako ahotsak! Horiek guztiek urte hartan herrian eman zuten Aste Santua.

Eskuin aldean, argizari banarekin identifikatu ditugu: Antonio Balerdi, Vicente Velez de Mendizabal, Jose Lasa, Gaspar Ezkurra, Beitia eta Joxe Azkoaga. Horiek ere, Arrosario Kofradiakoak".

Horiexek, besteak beste, argazkikoak. Kontakizun  osoa irakurtzeko, 1949arrasate blogera jo daiteke.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.