Ligako txapeldun izatea poltsikoan izan arren, mailaz igotzea "beste kontu bat" da, Isasiren arabera: "Mailaz igotzeko datorren urtean zenbat egongo garen ikusi behar da, besteak beste. Bolada onak balio dezala jendea datorren urtera begira ere motibatzeko".
Denboraldia amaitzeko lau partiduren faltan Arrasate Rugby Taldea 15 puntuko alde dute Uribealdearekiko. Datorren astean ez dute norgehiagokarik izango, eta martxoaren 28ko aste bukaeran Irunen jokatuko dute. Aste Santu ostean azken sailkatua den Funes taldearen bisita izango dute Mojategin eta, hurrengoan, Gasteizko Gaztedi B-ren aurka jokatuko dira. Liga amaitzeko La Unicaren aurka jokatuko dute etxean.
