Arrasateko tenis elkarteak VNRC txapelketan jokatuko du berriro ere

AKE tenis elkarteko kideak. Argazkia: AKE

Arrasateko AKE tenis elkartea VNRC txapelketa (EAEko, Nafarroako, Kantabriako eta Errioxako taldeek osatzen duten liga) jokatzen hasi da berriro ere. Taldeka jokatzen da txapelketa hau: banakako bost partidu eta bikoteka bi partidu jokatzen dituzte jardunaldi bakoitzean. Tuteran jokatu zuten lehenengo norgehiagoka arrasatearrek (6-1 galdu zuten).

AKEk Aukearekin zituen tirabira batzuen ondorioz, iaz ez zuten txapelketa honetan parte hartu, eta ondorioz 4. mailara jaitsi ziren. Tirabirek oraindik jarraitzen duten arren, aurtengo denboraldian txapelketan parte hartzea erabaki dute. Hala, joan zen aste bukaeran Tuteran jokatu zuten arrasatearrek. Emaitzak hauek izan ziren:

Bakarka:

Jose Miguel Embun - Aitor Magallanes      6-1, 6-4
Javier Sarnago - Eneko Fernandez           0-6, 7-5, (10-3)
Fernando Lorente - Aitor Balzategi           7-6, 6-3
Manuel Gonzalez - Kepa Aranbarri            4-6, 1-6
Jesus Maria Mateo - Sebas Sierra              6-2, 6-4

Bikoteka:

Enbun/Labana - Magallanes/Fernandez    6-4, 1-0 ( lesioaz utzi)
Lorente/Sarnago - Balzategi/Aranbarri     0-6, 6-4, (10-5)

Entrenatzeko ordu gutxi

Tuterara "gutxi entrenatuta" joan zirela azaldu dute tenis elkartekoek. Izan ere, Aukearekin dituzten tirabira horien oinarrian dago "elkarteak entrenatzeko duen ordu kopuru eskasa". Ordu horietatik kanpo entrenatzeko "ordaindu" egin behar dute kirolariek.

Helburua kategoriaz igotzea

Elkartearen helburua kategoriaz igotzea da. "Hurrengo jardunaldietan hobeto ibiliko garela uste dugu", azaldu dute ohar bidez. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.