Arrasate eskubaloi taldeak zaleen babesa eskatu du etzi, zapatua, 18:30ean, jokatuko duen ligako partiduari begira. Izan ere, etxekoek Santoña hartuko dute Iturripen. Santoña ligako hirugarren postuan dago 36 punturekin eta Ford Mugarri laugarrenean 35 punturekin.
Hortaz, zaleen laguntza ezinbestekoa izango dute partidua irabazi eta Santoñari aurre hartzeko sailkapenean. Eskubaloi elkarteak hau esan du, ohar bitartez: "Jokalariei animoak eman eta denboraldian zehar egiten dabiltzan esfortzua eskertzeko modua izango da zaleen babesa". Hala, zaleei Oi, oi, oi, Arrasate eskubaloia! oihukatzeko dei egin diete.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.