Arriagaren eta Laboaren doinuekin egindako dantza garaikide ikuskizuna da Itzalak-Txoriak. Hala, Dantzaz konpainiako hamabi dantzariek garai barrokoan murgildu zituzten ikusleak emanaldiko lehen zatian, eta Laboaren unibertso zabalean bigarren zatian.
Dantzaz konpainiako Fernando Saenz de Ugarteren hitzetan oso gustura daude Arrasaten dantza garaikidearekiko sortutako giroarekin. "Badira bi urte elkarlanean dihardugula. Komunitatearekin lan egitea gustatzen zaigu, jendea dantza garaikidera gerturatzen joatea eta Arrasaten oso bide onetik goaz".
