Arriaga eta Laboa musikariak dantza garaikidearen bitartez batu ditu Dantzaz Konpainiak, Itzalak-Txoriak ikuskizunean. Ikuskizun bakarrean txertatutako bi emanaldi dira. "Bata bestearekin loturarik ez dute. Garai barrokoan murgilduko gara lehenengoan eta atsedenaldi txikia hartuta egingo dugu bigarrena; Laboaren unibertso zabalean sartuko gara horretan" dio Fernando Saenz de Ugarte, Konpainiako zuzendariak.
Amaia antzokian erakutsiko dute, bihar zapatua, 19:30ean. Sarrerak 10 eurotan eskura daitezke leihatilan eta arrasate.eus atarian ere bai. Gaur, egubakoitza, ikasleentzako saio itxia egingo dute.
Bi pieza, bi koreografo
Arriagaren musikarekin hasi eta Niña Coyote eta Chico Tornado bikotearen rock doinuekin jarraituz, Paolo Mohovich italiarraren koreografiekin, Gorteetako giroa irudikatuko dute hamabi dantzarik. "Apaindura barrokoak egingo dituen ile apaintzailea izango dute taularen gainean lagun. Arrasateko emanaldirako prestatu dugun berrikuntza da hori".
Josu Mujika elgoibartarrarenak dira, berriz, Txoriak lanaren koreografiak: "Helburua ez da Laboari omenaldia egitea, pertsona moduan nor zen plasmatzea baizik. Musikariaz gainera medikua zela erakutsiko dugu Iñaki Salvadorrek moldatutako kantuak dantzatuz
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
